Румынияда наразы халық президент сарайын басып алмақ болды

Румынияда үкіметтің жалақы мен зейнетақы көлемін қысқарту туралы шешіміне наразы жүздеген шеруші бүгін Бухарестегі президент сарайына кіруге талпыныс жасады. Наразы топты полиция таратты.

Премьер-министр Эмил Бок Халықаралық валюта қоры несиесінің талаптарын орындау үшін бюджет тапшылығын азайту жөнінде қатаң іс-шараларын жариялады. Атап айтқанда, үкімет мемлекет қызметкерлері жалақысының төрттен бірін қысқартуды қарастырып отыр.