Ахмадинежад өзіне қастандық әрекет болмағанын айтты

Бүгін Иран президенті Махмуд Ахмадинежад халықаралық ақпарат құралдары жазып жатқандай, өзіне қастандық шабуылы болғанын жоққа шығарды.

Ахмадинежад сәрсенбі күні Хамедан қаласына сапары кезінде естілген жарылыс жас балалардың ойнап атқылаған отшашуы болды дей келе, кейін оны батыстық баспасөз қол гранатасы жарылды, ондаған адам жараланды, президент қастандық шабуылдан аман қалды деп жазғанына тоқталды.

Ирандық ресми ИРНА ақпарат агенттігі бұл жағдайды бірінші араб, содан кейін батыстық ақпарат құралдары өз мақсаттарына пайдаланып, дұрыс емес ақпарат таратты деді.