Блэйр Ирақтағы шығынға өкінішті болғанымен, басып кіргенге өкінбейді

Британияның бұрынғы премьер-министрі Тони Блэйрдің жаңа шыққан мемуарында, өзінің Ирақтағы соғыс кезінде қырылған бейбіт тұрғындар мен әскерлер үшін жаны ауырғанын айтқан.

Бірақ ол Ирақ диктаторы Саддам Хуссейнді биліктен кетіру дұрыс қадам болды деп сенетінін, соған орай Ираққа АҚШ бастаған әскердің кіргеніне еш өкінбейтінін білдірген.

Блэйр егер Саддам режимі құлатылмағанда, бұл елде қазіргіден де жаман бейберекеттік пен қанды қақтығыстар болар еді деген.
Блэйрдің естелік кітабы бүгін шықты.