АҚШ-та ерлі-зайыптылар ядролық құпияны сатпақ болды деп қамалды

АҚШ ядролық лабораторияда істеген екі адамға құпия мәліметтерді Венесуэлаға бермекші болды деген айып тақты.

Ерлі-зайыптылар венесуэлалық тыңшы ретінде әрекет еткен Федералды тергеу бюросының агентіне ядролық құпия мәліметтерді берді деген айыппен жұма күні Нью-Мексикода қамауға алынды.

АҚШ азаматтары, ерлі-зайыпты Педро мен Маржори Маскеронилер АҚШ ядролық орталығының лабораториясында жұмыс істеп жүрген.