НАТО-ның соққысынан Пәкістан жауынгерлері қаза тапты

Бейсенбі күні Ауғанстандағы НАТО күштерінің соғыс тікұшақтарының зымырандық соққысынан Пәкістанның үш әскери қызметкері қаза тапты.

Келіп жатқан хабарларға қарағанда, төтенше оқиға ауған-пәкістан шекарасы бойындағы Жоғарғы Оракзай ауданында болды.

Тікұшақтар қателесіп Пәкістан әскерінің күзет постын нысанаға алса керек.

Пәкістан үкіметі төтенше оқиғаның жай-жапсарын тиянақты тергеп болғанша, Ауғанстандағы халықаралық күштерге өз жері арқылы тасымалданатын жүктерді ұстап тұратынын мәлімдеді.

НАТО күштерінің басшылығы оқиғаны дереу тергеуге уәде берді.