Франция президенті зейнетақы реформасы жайлы заңға қол қойды

Франция президенті Николя Саркози зейнетақы реформасы туралы заңға қол қойды. Құжатқа сәйкес зейнеткерлік жас 60-тан 62 жасқа көтерілді.

Сейсенбі күні заң жобасы Францияның Конституциялық кеңесінде қолдау тапты. Ал қазанның аяғында ел парламенті де заң жобасын мақұлдаған болатын.

Өткен айда Францияда осы заң жобасына қатысты ұзаққа созылған наразылық акциялары болған еді.