Грузияда жарылыстарға қатысты 6 күдікті ұсталды

Грузия таяудағы бомбалық жарылыстардың артында Ресей тұр деп айыптап, 6 адамды қамауға алғанын хабарлады. Ішкі істер министрлігінің мәлімдеуінше, демалыс күндері 6 грузин тұтқындалған және екеуі іздестіріліп жатыр.

Оларға 6 жарылысты жүзеге асыру үшін Абхазиядағы Ресейдің әскери барлау қызметі өкілінің пайдасына жұмыс істеді деген айып тағылып отыр.

Оңтүстік Осетияға қатысты 2008 жылдың тамыз айындағы соғыстан кейін Ресей мен Грузия қарым-қатынастары одан сайын шиеленісе түскен болатын.