Мәскеуде нәсілшілдікке қарсы шеру өтті

Жексенбі күні Мәскеуде өткен нәсілшілдікке қарсы шеруге мыңдаған адам қатысты. Олар таяуда Кремль маңында болған этникалық негіздегі қақтығыстарға наразылық танытты. Шерушілер "Фашистер Ресейдің абыройын төгеді" және "Фашизмге жол жоқ" деген жазулары бар плакаттарды ұстап шықты. Ресей астанасындағы наразылық шарасын азаматтық топтар ұйымдастырып отыр.