Ауғанстан президенті Пәкістанға келді

Ауғанстан президенті Хамид Қарзай бүгін екі күндік сапармен көршілес Пәкістанға келді.

Бұл сапарында ауған жетекшісі Пәкістан басшылығымен тәліптерге қарсы күресте екі мемлекеттің бірлесіп іс-қимыл жасау жайын талқылайды.

Хамид Қарзай осы жолы Пәкістан президенті Асиф Әли Зардаримен және премьер-министрі Саид Юсуф Риза Гиланимен кездесіп келіссөздер жүргізеді.

Сонымен бірге ол Ауғанстанның ішкі жанжалын бейбіт жолмен реттеу мәселесі бойынша екіжақты комиссияның отырысына қатысады.