Қазақстан-Қытай: стратегиялық әріптестік декларациясына қол қойылды

Қазақстан мен Қытай арасында жан-жақты стратегиялық әріптестік жөніндегі декларацияға қол қойылды.

Дүйсенбі күні осы құжатқа Қазақстан президенті Нұрсұлтан Назарбаев пен Қытай төрағасы Ху Цзиньтао қол қойды.

Тараптар атом саласы және жол құрылысы бойынша келісімге келді. Екі елдің ұлттық банк басшылары бір миллиард доллар көлемінде теңге мен юань алмасу жөніндегі келісімге қол қойды.

Қытай төрағасы Ху Цзиньтао Қазақстанда үш күндік сапармен жүр. Ол сейсенбі күні басталатын Шанхай ынтымақтастық ұйымының саммитіне қатысады.