"Халық майданы" қозғалысы құрылды

Сәрсенбі күні Қазақстанда оппозициялық "Халық майданы" қозғалысының құрылғаны хабарланды.

Қозғалыс өкілдері бұл турасында арнайы баспасөз мәслихатын өткізді. Олар кез-келген уақытта парламент сайлауы өте қалса, оған кандидат ұсынуға әзір екендігін білдірді. Қозғалыстың мақсаты парламентте көппартиялық қалыптастыру екендігі айтылды.

Қазақстан коммунистік партиясының төрағасы Ғазиз Алдамжаровтың айтуынша, "Халық майданын" 20-дан астам ұйым қолдап отырса керек.