ХВҚ Беларусь реформа жасамаса көмек берілмейді деді

Халықаралық валюта қоры Беларусь үкіметі реформалар жасағанда ғана, елді қаржы дағдарысынан құтқаруға ақша бөле аламыз деді.

Франциялық AFP ақпарат агенттігіне ХВҚ-ның Минск бойынша өкілі Крис Ярвис біздің арнайы топ алдағы аптада Беларуське барып, осы мәселені талқылайды деген.

Бірақ президент Александр Лукашенко сұрап отырғандай елге бір күнде 8 миллиард доллар көмек беруге қатысты тараптар бір келісімге келе қоймады. Беларусь мамыр айынан бері екінші рет өз валютасын құнсыздандыруға мәжбүр болып отыр.