Ауған президенті Үндістанға сапармен барады

Ауғанстан президенті Хамид Қарзай бүгін Үндістанға сапармен барады.

Ол Үндістан премьер-министрі Манмохан Сингхпен кездесіп, екі ел арасындағы байланыстарды нығайтуды көздейтін келісімдерге қол қояды деп жоспарланған.

Хамид Қарзай бұл сапарын Ауғанстан мен Пәкістан арасына ши жүгірген тұста жасағалы отыр. Пәкістан – халықаралық сахнада Үндістанның бәсекелесі екендігі мәлім.

Үндістан сияқты енді Ауғанстан билігі де Исламабадты көрші елге шабуыл жасайтын экстремистік күштерге көз жұма қарайды деп кінәлап отыр.