Accessibility links

Қазақстан парламенті бюджет өзгерісі туралы заң қабылдады


Қазақстан парламенті cенатының жалпы отырысы. (Көрнекі сурет)
Қазақстан парламентінің сенаты бүгінгі жалпы отырысында «2011-2013 жылдарға арналған республикалық бюджетке өзгерістер мен толықтырулар енгізу туралы» заң жобасын қабылдап, президентке қол қоюға жіберді.

Нақтыланған бюджетте жалпы ішкі өнімнің өсімі ақпан айындағы болжамнан 2 пайызға өсіріліп, 7 пайыз көлемінде бағаланды. Мұнайдың әлемдік орташа бағасының болжамы 65 доллардан 90 долларға дейін ұлғайтылды.

Инфляция дәлізі 6-8 пайыз деңгейінде болады деп белгіленді. Ал республикалық бюджет түсімдері бұрынға көрсеткішпен салыстырғанда 183,3 миллиард теңгеге ұлғайып, 4 триллион 439 миллиард теңге көлемінде нақтыланды.

Жаңа заңға сәйкес, бюджет тапшылығының жалпы көлемі 730 миллиард теңге деп бекітілді. Бұл Қазақстанның жалпы ішкі өнімінің 2,8 пайызын құрайды.

AzattyqTV

Аудиоподкаст

XS
SM
MD
LG