Ауғанстанның лойя жырғасы АҚШ күштерінің елде қалуын қолдады

Ауғанстанның ұлттық ассамблеясы немесе лойя жырға өзінің төрт күндік отырысын қорытындылаған қарарында, елге АҚШ-тың қауіпсіздік қолдауы тағы қажет деп шешті.

Ауғанстан президенті Хамид Карзай ассамблеяның жабылуында сөйлеген сөзінде, лойя жырғаның ұйғарымы көңілге қонымды деді. Карзай сондай-ақ ауған күштерінің тәуелсіздігін дамыту керектігін айтты.

Лойя жырғаның қарары президент Карзайдың елде АҚШ күштерін 2014 жылға дейін қалдыруына қоғамдық қолдау танытты.