Иракта терактілерден 27 полицей қаза тапты

Ирактың батысындағы Хадит қаласында дүйсенбі таң ата полиция бекеттеріне жасалған шабуылдан 27 полицей қаза тапты.

Полиция лейтенанты Ваид Халафтың айтуынша, полицей киіміндегі бірнеше қарулы адам полицияның тексеру-өткізу бекеттеріне, қауіпсіздік қызметінің кеңселері мен офицерлер үйлеріне шабуыл жасаған. Атыс кезінде шабуылдаушы жақтан бір адам қаза тапқан.

Хабарларға қарағанда, шабуылдарға әр жерде барлығы 50-ден астам қарулы адам қатысқан.