Қарағандыдағы түрмеде екі тұтқын денелерін жаралады

Қарағанды облысының Абай ауданы аумағында орналасқан АК-159/18 түзеу мекемесінде екі тұтқын наразылық танытып, денелерін жаралады деп хабарлайды облыстық қылмыстық атқару жүйесі департаментіне сілтеме жасаған ақпараттық сайттар.

Департаменттің тәрбие жұмыстары бөлімінің аға инспекторы Ян Мебер сәрсенбіде екі тұтқынның "мекеме аумағындағы көріктендіру жұмыстарына наразылық танытып", өздерін жеңіл жаралағанын растаған. "Олардың жағдайы қалыпты, дәрігерлер тексерді, өмірлеріне қауіп жоқ" деген инспектор.

Колонияға келген тұтқындардың туыстарын кіргізбеген, мекеме қоршауға алынған.