Беларусь оппозиционері бостандыққа шықты

Беларусьте Могилев қаласындағы түрмеден оппозиционер, 37 жастағы Сергей Коваленко босатылды.

Биыл ақпанда Беларусь соты оны "шартты жаза режимін бұзды" деген айыппен 2 жыл бір айға соттаған. Коваленко шартты жазаға 2010 жылы қаңтарда беларусьтің ұлттық ақ және қызыл түсті туын жаңажылдық шыршаға ілгені үшін тартылған.

Коваленко биыл жазда президент Александр Лукашенконың атына кешірім жасау туралы хат жазды.

Құқық қорғаушылар оппозиционерді "саяси тұтқын" деп жариялаған.