Бангладеште діни сипаттағы тәртіпсіздік болып жатыр

Бангладештің оңтүстігінде діни сипатта туған тәртіпсіздіктер екі күннен бері жалғасып жатыр.

Бір топ мұсылман буддистер тұратын елді мекендерге шабуыл жасап, олардың үйлері мен буддистік храмдарды өртеді. Тәртіпсіздік кезінде 20 адам зардап шекті.

Діни сипаттағы толқуларға Facebook желісінде өртенген Құранның суреті жарияланғаны түрткі болған. Әлеуметтік желіге оны буддизмді ұстанатын жас жігіт салды деген жорамал бар. Күдіктіге полиция күзет қойған.

Бангладеш үкіметі тәртіпсіздікті ұйымдастырушыларды айыптады.

Буддистер Баншладештің 150 миллион халқының 1 пайызын ғана құрайды.