Обама Иранға қарсы жарлыққа қол қойды

АҚШ президенті Барак Обама Иранға қарсы жаңа санкциялар енгізу туралы шешімге қол қойды.

Биыл жазда АҚШ Конгресі мақұлдаған бұл санкциялар Иранды ядролық жойқын қару бағдарламасынан бас тартуға мәжбүр етуді көздейді. Ал Иран өзінің ядролық бағдарламасы тек бейбіт мақсатта екеніне сендіруге тырысып келеді.

Ақ үйдің қауіпсіздік кеңесінің өкілі Томми Виетор Иранға қарсы санкциялардың айтарлықтай нәтижесі болады деп мәлімдеді.