Accessibility links

Сирия көтерілісшілері әскери базаны алғаны хабарланды


Сирия көтерілісшілері үкімет әскерімен ұрыста. Алеппо, 5 ақпан 2013 жыл.
Сирия көтерілісшілері үкімет әскерімен ұрыста. Алеппо, 5 ақпан 2013 жыл.
Сириялық белсенділер президент Башар Асад режиміне қарсы қарулы күрес жүргізіп жатқан көтерілісшілер Алеппо провинциясындағы әскери әуе базасын басып алғанын хабарлады.

Ұлыбританияда орналасқан Сирия адам құқықтарын қорғау ұйымы таратқан ақпаратқа қарағанда, көтерілісшілер бірнеше күнгі ұрыстан соң сейсенбіде Әл-Джарра әуе базасын бақылауға алған. Мұның алдында көтерілісшілердің Раха провинциясындағы Евфрат өзенінде орналасқан елдегі ең ірі су электр станциясын басып алғаны хабарланған еді.

Дүйсенбіде Түркияның Сириямен шекарасындағы өткізу бекетінде сириялық нөмірі бар шағын автобус жарылып, 13 адам құрбан болды.

БҰҰ-ның дерегі бойынша, Сириядағы екі жылға созылған қақтығыста 60 мыңнан астам адам қаза тапқан.
XS
SM
MD
LG