Маусымның 18-і күні Сан-Паулу қаласында наразы топ полицияны қала орталығынан тықсырып, бірнеше дүкен мен банкті, полиция бекетін ойрандады, бір телеарнаның автокөлігін өртеді. Қоғамдық көліктегі жолақының қымбаттауына және бюджет қаржысын әлемдік футбол чемпионатына жұмсауға қарсылық шерулеріне Бразилияның бірнеше қаласында ондаған мың адам қосылды. Олар қоғамды жайлаған коррупция мен әлеуметтік теңсіздікке де наразылық білдірді.