Accessibility links

Ауғанстанда жоғалған Қытай азаматтары табылды


Ауғанстан полициясы азаматтарды тексеріп жатыр. 10 наурыз 2013 жыл. (Көрнекі сурет)
Ауғанстан полициясы азаматтарды тексеріп жатыр. 10 наурыз 2013 жыл. (Көрнекі сурет)
Қытайдағы мемлекеттік БАҚ-тың хабарлауынша, 11 тамызда Ауғанстанда жоғалған қытайлық екі азаматтың бірі Кабул қаласынан тірідей табылып, қауіпсіз жерге жеткізілген.

Қытайдың Xinhua ("Синьхуа") агенттігінің мәліметіне қарағанда, жоғалған екінші ер адамның мәйіті сенбі, 10 тамызда табылған.

Екі қытайлық ер адам бейсенбі, 8 тамыз күні жоғалды. Сол күні Кабулда екі қытайлық әйел мен бір ер адамды үйлерінің есігін бұзып кірген адамдар өлтіріп кеткен еді.

Кабулдағы Қытай елшілігі жоғалған бір адамның сүйегі, ал екінші адамның тірі күйінде табылғанын растады.

Қытайдың орталық телеарнасы қаза тапқан адамның Ауғанстанда жеке бизнеспен айналысқанын хабарлады. Бірақ ресми мәліметтерде оның қандай бизнес екені айтылмаған.
XS
SM
MD
LG