Сириялық босқындар
Иракқа өткен сириялық босқындар саны алты күн ішінде 30 мыңнан асты. БҰҰ босқындар ісі бойынша басқармасының мәлімдеуі бойынша, олар елдегі қарулы қақтығыстардан қашып шыққан. Мыңдаған сириялық босқындар балаларын ертіп, мүліктерін көтеріп, Ирактың солтүстік шекарасына жиналып жатыр. Ирактағы автономиялық аймақ - Курдистан үкіметі Сирия босқындарына шекарасын тамыздың 15-і күні ашты. Алғашқы күні шекарадан 7 мың адам өткен. Олардың көбі Сириядағы жағдайдың өте қиын екенін айтады. Босқындарға азық-түлік таратылған.