Босқындар лагеріндегі қаза
Иордан өзенінің батыс жағалауындағы Каландия босқындар лагерінде палестиналықтар мен Израиль полициясы арасындағы қақтығыстан үш палестиналық қаза тауып, бірнешеуі жараланған. Reuters агенттігінің хабарлауынша, терроризмге қатысы болуы мүмкін делінген күдіктіні ұстауға келген полицейлерге палестиналықтар тас лақтырған соң полиция оқ атқан. Израиль мен Палестина бұдан үш жыл бұрын үзіліп қалған бейбіт келіссөздерді АҚШ-тың арағайын болуымен өткен айда жалғастырған еді.