АҚШ ғарышқа тыңшы спутнигін ұшырды

АҚШ Калифорния штатынан ғарышқа тыңшылық жасайтын спутник ұшырды.

Сәрсенбіде Ванденбергтегі әскери әуе күштерінің базасынан тыңшы спутнигін ғарышқа алып ұшқан Delta IV зымыраны Жердің төменгі орбитасына бағыт алған.

Ғарышқа ұшырылған құрылғы Құрама Штаттардың барлау, тыңшылық жасайтын спутниктерін басқаратын Ұлттық барлау басқармасына тиесілі.

Спутниктің мақсаты құпия болып саналатындықтан, ол туралы егжей-тегжейлі ақпарат жоқ.