Стамбулда мыңдаған адам биыл жазда басталған үкіметке қарсылық акциялары кезінде полициямен қақтығыста мерт болғандарды еске алып, шеруге шықты. Елде қарсылық қарқыны соңғы кезде бәсеңдеген, бірақ бір белсендінің жұмбақ қазасынан кейін наразылық қайта үдеді. 15 қыркүйекте шеру бейбіт түрде басталған еді. Бірақ наразы топ биліктегі Әділет пен даму партиясының кеңсесіне беттеген сәтте полиция оларды тарату үшін резеңке оқ атып, су шашты. Түркия, 16 қыркүйек 2013 жыл.