Accessibility links

Пешавардағы жарылыстан ондаған адам өлді


Өрт сөндірушілер жарылыс болған базардағы өртті өшіріп жатыр. Пешавар, 29 қыркүйек 2013 жыл.
Пәкістанның Пешавар қаласының базарында болған екі жарылыстан 33 адам қаза тауып, 80-нен астам адам жараланды.

Жергілікті полиция бастығы "қаза тапқандар арасында бірнеше әйелдің бар екенін" айтты.

Қазір шабуылды жасағандар іздестіріліп жатыр. Полиция әзірге жарылысты жанкешті жасады ма, әлде жарылғыш зат толтырылған көлік жарылды ма - анықтай алмай отыр.

Өткен жексенбіде Пәкістанда жанкештілердің христиан шіркеуіне шабуылынан 82 адам қаза тапқан еді. Ал жұма күні автобуста болған жарылыстан 18 жұмысшы өлді.

Пәкістан үкіметі мұндай оқиғалар жиілеген шақта "Талибан" қозғалысы өкілдерімен қарулы күресті тоқтату үшін келіссөз жүргізуге тырысып жатыр.

AzattyqTV

Аудиоподкаст

XS
SM
MD
LG