Ким Чен Ын мен әйелі
Солтүстік Корея мемлекеттік телеарнасы ел басшысы Ким Чен Ын мен әйелі Ри Сол Чжудың Пхеньяндағы жабық стадионда спорт ойындарын тамашалап отырған сәтін көрсетті. Ридің бұқараға көрінбегеніне айға жуық уақыт өткен еді. Сонымен бірге телеарна Ким Чен Ын өзінің атасы – Ким Ир Сен негізін қалаған Корей Еңбек партиясының құрылғанына 68 жыл толуына байланысты салтанатты концертке қатысқаны жайлы суреттерді көрсетті.