Қытайдың орталық бөлігінде - Хубэй провинциясындағы шахтада апат салдарынан жер астында қалып қойған 5 кеншіні құтқару жұмыстары сейсенбіден бері жалғасып жатыр. Жергілікті билік өкілдерінің айтуынша, шахтаны басқан су деңгейі көтеріліп келеді. Бұған дейін Қытай билігі 2015 жылдың соңына дейін екі мыңнан аса шахтаны жауып --> http://www.azattyq.org/archive/news/20131013/330/330.html?id=25135205.html , кеніш орындарындағы қауіпсіздік талаптарын күшейтетіні туралы хабарлаған еді. Қытай шахталарында апаттар жиі болып тұрады. Ресми ақпарат бойынша, 2012 жылы елде мың жарымға жуық адам шахталарда мерт болған.