АҚШ пен Мексика билік орындары екі елді жерасты жасырын туннелі арқылы жалғайтын есірткі тасымалдау жолын анықтады. 536 метрлік туннель ішінен 7,7 тонна марихуана мен 147 келі кокаин табылған. АҚШ билігі бұл іске қатысты үш күдіктінің ұсталғанын хабарлады. Жерасты туннелінің іші электр жарығымен, ауа желдететін және есікті ашып-жабатын электронды жүйемен жабдықталған. 2008 жылдан бері АҚШ пен Мексика арасындағы шекара маңында 75 жасырын туннель әшкереленген.