Киевте сейсенбіге қараған түні билік шешіміне наразылық жиыны өтіп жатқан маңда шеруге шыққандар мен полиция жасағы арасында тағы да қақтығыс болды. Бұдан бұрын Украина президенті Виктор Янукович көшедегі наразылықты басуды бұйырып, түрмеде отырған оппозиция жетекшісі Юлия Тимошенко аштық жариялайтынын --> http://www.azattyq.org/content/news/25180088.html мәлімдеген еді. Еуропа Одағы «Киевке келісім жасасудан бас тартқызу үшін қысым жасап отыр» деп Ресейді айыптады. Өткен аптада Украина билігі Еуроодақпен ассоциация туралы келісім жасауға дайындықты тоқтату --> http://www.azattyq.org/content/ukraine_east-west_dilemma/25176683.html туралы шешім қабылдаған соң басталған наразылық шерулері бірнеше күннен бері өтіп жатыр.