Назарбаев Еуропа елдерінің экс-басшыларымен кездесті

Қазақстан президенті Нұрсұлтан Назарбаев бүгін Астанада Халықаралық консультативтік кеңестің мүшелерімен кездесіп, халықаралық мәселелерді, оның ішінде Украинадағы жағдайды талқылады.

Президенттің баспасөз қызметінің хабарлауынша, кездесуге Австрияның бұрынғы федералдық канцлері Альфред Гузенбауэр, Польшаның экс-президенті Александр Квасьневский, Еуропа комиссиясының бұрынғы төрағасы Романо Проди қатысқан.

Кездесуде бұған қоса Қазақстанның экономикалық әлеуетін одан ары көтеру, ЭКСПО-2017 көрмесін өткізуге дайындық мәселелері талқыланған.