Луганск түбіндегі шайқас
Украина шекарашыларының әскери бөліміне ресейшіл сепаратистер шабуылдап, миномет пен ірі калиберлі пулеметтен атқылады. УНИАН агенттігінің ақпараты бойынша, бүлікшілер әскери бөлім жанындағы үйдің тұрғындарын сыртқа шығармай, үйдегі пәтерлерден шекарашылар бөлімін көздеп оқ жаудырған. Тұрғындарға оқ тию қаупі болғандықтан шекарашылар сепаратистердің бекінген орындарына жауап оқ ата алмаған. Қарулы сепаратистер бейбіт халық тұратын үйлерді тасалағандықтан шекарашыларға көмекке келген әскери ұшақ та ұрысқа қатыса алмаған.