Прагада ондаған адам «Сіздердің және біздің бостандығымыз үшін!», «Путинді тоқтатып, демократияны сақтаңыздар» деген жазулар мен Украина және Еуропа Одағының туларын ұстап шеруге шықты. Чехия үкімет үйі ғимараты алдынан Ресей елшілігіне дейін шерумен жүріп өткен олар чех үкіметін Украинадағы жағдайға бей-жай қарамауға шақырды. Шараға қатысқан чех және украин азаматтары Ресей елшілігі алдында Украинада қаза тапқандарды бір минут үнсіздікпен еске алып, бейбіт адамдардың өліміне Ресей президенті Владимир Путинді айыптап айғайлады.