Ағымдағы жылы Қазақстанның территориялық аумағының шекарасы белгіленіп, ресми құжат ретінде бекітілгеніне 90 жыл толады. Яғни 1920 жылы 26 маусымда Қазақ автономиялы советтік социалистік республикасын құру және оның территориясын белгілеу туралы декрет ресми түрде күшіне енген болатын. Журанлист, алаштанушы Болат Мүрсәлім Алаш зиялыларының о бастағы мақсаттарының бірі қазақ халқының өз территориясын анықтап, бекіту болғанын айтады. Ал, Қазақстанның территориялық аумағын яғни шекарасын анықтау және бекітуде Алаш зиялыларының еңбегі ерекше болған дейді алаштанушы, ғалым Тұрсын Жұртбай. Оның айтуынша, шекараны анықтау мен бекітуде Әлімхан Ермековтің еңбегі елеулі болған.