Апта тынысы бағдарламасына қамтылған тақырыптар төмендегідей: Азаттық радиосының оқырмандары мен тыңдармандары онлайн арқылы Жәмила Жәкішевамен жүздесіп, түрлі сауалдар қойып, жауаптарын да алды Жемқорлық айыбы тағылып істі болып жатқан Қазақстан министрлерінің қатарын осы аптада Денсаулық сақтау министрі Жақсылық Досқалиев толықтырды, осыдан соң қатты науқастанып өлім мен өмір арасында жатқан денсаулық министрінің денсаулығына депутаттар мен адвокаттары алаңдаулы. Ал «Назарбаев кет!» деген ұранмен алаңға шыққан Ермек Нарымбавтың төрт жылаа бас бостандығынан айрылғаны белгілі, ол бір жарым айдан бері аштық жариялап жатса, ендігі жерде аузын тігіп тастамақшы Қыркүйек айының аяғында алғашқы оқу жылын бастаған Астанадағы Назарбав университеті туралы заң жобасы депутаттар талқысына ұсынылды. Бұл уақытты Алматыдағы саяси шешімдер институты қазақстан халқының 60 пайыздан астамы президент сайлауына қатысуға дайын, ал 80 пайызы түңғыш президент Назарбавты қолдайды деген сауалнама қорытындысын жариялады. Апта соңында атыраулықтар мұнайшылар астанасының 370 жылдығын тойлап, соңында жаппай «Қара жорға» биін билепті.