Бүгінгі таңда интернет арқылы кеңес ала аласыз, байланыс-әңгіме құрумен қатар, тіпті ақша табуға да болады. Осы жайында және жас қобызшы Ақерке Тәжібаеваның шығармашылығы туралы Азаттықтың Жастар клубынан тыңдаңыздар. Мамандардың пікірінше, Қазақстанда интернет арқылы ақша табу мүмкіндігі аса жоғары болмағанымен ғаламтордың пәрменді күшін табыс табу көзіне айналдырып алғандар да бар. Олардың айтуынша, ақша табудың басты әрі танымал жолы – жарнама. Бұған интернет-жарнаманың дамуы да қолайлы жағдай жасап отыр. Деректер бойынша, интернет-жарнамадан түскен табыс көлемі 2007 жылы 1 миллион доллар болса, 2008 жылы – 3-3,5 млн, ал 2009 жылы 5 миллион долларға жеткен. Азаттықтың жастар клубындағы дәстүрлі сұқбат айдарында радиомыздың қонағы - жас қобызшы Ақерке Тәжібаевамен әңгімені тыңдайсыз. Қобызды эстрадаға тұңғыш қосқан жас өнерпаз ұлттық аспаптың мүмкіндігі мұнан да жоғары екенін айтады.