Беларусь орталық сайлау комиссиясы президент сайлауында Александр Лукашенконың басым дауыспен жеңіске жеткенін мәлімдеді. Ал қалған тоғыз үміткерді қолдаған сайлаушылар саны он пайызға да жетпейтіні хабарланды. Беларустағы президент сайлауының нәтижесіне қатысты қазақстандық бақылаушылардың да пікірі әр қилы. Бірі бұл сайлаудың әділ өткендігіне күмәнмен қараса ендігісі «Беларусь үшін Лукашенкодан артық басшы табу қиын» деген пікір айтып жатты. Қырғызстанда жаңа үкімет құрамы толықтай жасақталып, коалициялық үкімет іске кірісіп те кетті. Алматыда кеден қызметкеріне пара бермек болды деп айып тағылған кәсіпкер Мейізгүл Әбдіқажымоваға қарсы сот басталды. Қылмыстық істі қыркүйек айында қаржы полициясы қозғаған болатын.