Қаңтар айының алғашқы күндері сенбі жексенбіге дөп келгендіктен, Қазақстан аптаның басында тағы екі күн демалып жатыр. 2011 - қоян жылының қаңтары Қазақстанда қытымыр аязбен басталды, респуликалық деңгейдегі көлік жолдары жабылып, тұрғындарға ұзақ жолға шықпау жағы ескертіліп жатыр деп хабарлайды жаңалықтар агенттіктері. Жұлдызшы Назарбек Қожамсейіт қоян жылының қаңтары мен ақпан айында ауа райының қандай болатыны туралы болжамын Азаттық радиосына айтып берді. Арнольд Шварценнегер губернаторлық тізгінді біржолата тапсырып жатыр, миллиондаған көрерменнің кумирі Голливуд жұлдызы енді қандай іспен шұғылданады екен? Алашорда көсемі Әлихан Бөкейханнвң тағдырына қатысты жаңа құжаттар неден хабар береді. Шетел баспасөзіне шолу: Ходорковскийдің соңғы соты Ресейде саяси биліктің Владимир Путиннің уысынан шықпағанын анық көрсетті деп жазады британиялық «Гардиан» газеті.