Президент өкілетін ұзарту үшін референдум өткізу бастамасын көтергендер Қазақстанда 4 күнге жалғасқан мереке күндерінде осы ұсынысты қолдаушылардың 2,5 млн-нан астам қолын жинағандықтарын мәлімдеді. Ал Қазақстандағы АҚШ елшілігі мұндай референдумға барудың демократиялық кері шегініс болатынын атап көрсетіп, әділ сайлау өткізуге күш салудың маңыздылығына тоқталған. "Халыққа баспана қалдырайық!" қоғамдық қозғалысының жетекшісі Есенбек Өктешбаев 15 күндік қамаудан босатылды. Жаңа жылды абақтыда қарсы алып шыққан белсенді өзін ешқандай қиындық мойыта алмайтынын және алдағы жоспарларына әсер етпейтінін айтады. Пәкістанда саяси дағдарыс белең алып тұр.