Бес күн бойы Алматыда өткен халықаралық «Еуразия» кинофестивалі өз жұмысын аяқтады. Аталған кинофестваль осымен алтыншы рет ұйымдастырылып отыр. Биылғы кинофестиваль Орта Азия және түркі тілдес халықтар киносына арналды. Кинофестиваль аясында «Айрықша оқиға» ретінде техникалық тұрғыдан жаңартылған «Қыз Жібек» фильмі көрсетілді. Алайда, «Қыз Жібекті» көруге бірнеше адам ғана жиналды. Ал, Қытайдың «Тянь-Шань» киностудиясы түсірген және идеясы ақындар айтысын арқау еткен «Гүлбике» фильмі кинофестивалдің конкурсына қатыспады. Ұйымдастырушылар халықаралық «Еуразия» кинофестивалі жыл сайын өтеді деп мәлімдеді.