Экономиканы дамыту және сауда министр Жанар Айтжанованың мәлімдеуінше, Қазақстан ДСҰ-ға 2012 жылдың бірінші жартысында кіруге ниетті. Сарапшылардың айтуынша, елдің аталмыш ұйымға кіретіні анық, алайда уақыты тағы да созылуы мүмкін. Қазақстан ДСҰ-ға кіру өтінішін 1996 жылы берген. Елдің осы ұйымға қосылуы бірнеше рет кейінге қалдырылып отырған. 2008 жылдың ақпан айында Қазақстан ұйымға кіру бойынша келіссөздер процессін 2009 жылы аяқтауды жоспарлаған. Алайда одан да кеш қалдырды. Қаржыгер сарапшы Ғалымбай Назаров Қазақстанның ұйымға ерте ме кеш пе мүше болады дейді. «Себебі үкімет осы бағытта көп жылдан бері жұмыс істеп келеді»