Ливиядағы ахуал сәрсенбі күні қалай қалыптасып жатыр, халықаралық қауымдастық өкілдері көпеген адамдардың бас сауғалап, басқа жаққа қашуы мүмкін екенін де айта бастады. Қазақстандық сарапшылар бір адамның билікте ұзақ отыруы толқуларға апаратын заңды жағдай дейді. Ливанның Интерпол арқылы іздеу салып отырған адамы- Қазақстан бас прокурордың орынбасары Асхат Дауылбаев па, жоқ басқа біреу ме? Ақтөбе түрмесінде діндар тұтқындардың соққыға жығылғаны жөніндегі хабарларды түрме басшылары жоққа шығарады, ал тұтқындардың туыстары басқаша мәлімдейді. Астанадағы ашыққан үлескерлер енді ашынып отыр, олар Астана қаласының әкімі Иманғали Тасмағамбетовті сотқа береміз деп бекінген. Азаттық сайтында оқырмандардың қатты қызығушылығын туғызып, пікірталас өрбіген қандай мақала болды екен, сайт жазбаларын да сіздер үшін шолып өтетін боламыз.