Бүгінгі әдебиет пен кешегі совет әдебиетінің арасына шекара қойылған жоқ. Біз әлі күнге дейін екі әдебиетті бөліп қарастырмадық деген сыншы Бақыт Кәрібаеваның пікіріне орай сөйлеген әдебиетші ғалым Айгүл Ісмақова 1988 жылдан бергі әдебиетті «Тәуелсіз әдебиет» деп атап келе жатқандықтарын, бүгінгі таңда әдебиет тану ғылымы кезең-кезеңімен зерттеліп жатқандығын айтады. Ал Бақыт Кәрібаеваның Совет дәуірінде жиналып біткен ауыз әдебиетін әлі қайта жинаумен жүрміз, оны жинай бергенше теориясын жасау керек, - деген сөзіне жауап ретінде фольклор танушы ғалым Ақеділ Тойшанұлы ол кезеңдегі жиналған ауыз әдебиетінің цензураға ұшырағандығын, зерттеу обьектісіне айнала алмағандығын, сондықтан да қайта жинап теориясын жасауға кірісіп кеткендіктерін айтты.