Сейсенбі күні Қазақстан астанасында Наурыз мейрамына арналған басты шаралар өткізілді. Астана тұрғындары мен қонақтары алдында президент Нұрсұлтан Назарбаев сөз сөйлеп, Қазақ елі монументі тұрған алаңға жиналғандарды Наурыз мейрамымен құттықтай келе, ертеден келе жатқан көне мейрамдардың бірі – Наурыздың тамыры тереңнен тартылатынына тоқталды. Қазақстанның түңғыш ғарышкері, Халық қаһарманы Тоқтар Әубәкіров Азаттық тыңдармандарын әз-Наурыз мейрамымен құттықтады. Қазақ ақындары Наурызға арналған өлеңдерін де оқып берді.