Астанада «Тәуелсіздік тағылымы» тақырыбында өткен айтыстың үшінші жұбы болып астаналық Аманжол Әлтаев пен алматылық Сара Тоқтамысова шықты. Аманжол Әлтаевтың үш жыл үзілістен кейін айтысқа шығып тұрғаны хабарланды. Алдыңғы шыққандар сияқты, бұл қос ақын да президент Назарбаевты, ЕҚЫҰ саммитіне мадақ жыр айтып өткен соң, 2011 жылы Алматы мен Астанада өтетін Азиада ойындарын тілге тиек етіп, Қазақстандағы жалдамалы спортшылардың жайына тоқталды.