Дүниежүзілік денсаулық күні 1950 жылдан бері аталып өтеді. Бұл күн денсаулық сақтау саласындағы ғаламдық мәселелерді бірігіп талқылау, өмір сүріп отырған ортаны қорғау, қазіргі және келешек ұрпақтың денсаулығын нығайту шараларын қамтиды. Бұл мәселе адамдардың денсаулығының қоғам үшін қаншалықты маңызды екенін түсіну қажеттілігінен туындап отырған аса көкейкесті проблемалардың біріне айналды дейді мамандар. Сарапшылардың айтуынша, соңғы жылдары ғылымның, өндірістің қарқынды дамуымен қатар адам өлімінің де күрт өсуі де адамзат алдында тұрған басты мәселені көтерудің кезек күттірмейтінін бүгінгі күн дәлелдеп отыр. Алматы қаласында 10 сәуір күні Дүниежүзілік денсаулық күніне арналған арнайы шара өтті. Онда денсаулық тек физикалық түсінік емес екенін, ол эмоционалды, рухани және интеллектуалды түсініктерді де қамтитыны туралы айтылды.