1. Қазақстан президенті мемлекеттік тіл басқа тілдерден үстем болмауы тиіс деді, бірақ АҚШ пен Францияның үстем тілін мадақтады. 2. "Фридом Хауз" Қазақстан билігінің түрлі жолдармен интернет сайттарына тосқауыл қойып отырғанын айтты. 3. Азаттық радиосы көтерген Қытайдағы қазақтардың виза алу машақаты жайлы жергілікті БАҚ да жаза бастады. 4. Айына берілетін 45 мың теңге жалақыға наразылық танытқан Қазақмыс корпорациясының мыңнан аса қызметкері жұмысқа шықпай қойды. 5. Елдегі баспасөз еркіндігі мен адам құқы жағдайын талқылаған үкіметтік емес ұйымдар билікке сын айтты. 6. Қазақстанда биліктен де, оппозициядан да көңілі қалғандардың саяси тобын құру мәселесі көтеріле бастады.