29 тамызда қырық жыл қырғын әкелген Совет одағының Семей ядролық полигонының жабылғанына 20 жыл толды, дегенмен аймақ тұрғындары оның зардабыгн әлі де тартып отыр. Қашаннан тамыздың соңғы аптасы – кеншілердің  кәсіби мерекесі ретінде тойланып келе жатқаны белгілі, дегенмен биылғы жылы  бұл мейрам Қарағанды мен облыста атап өтілмеді. 20 тамызда  Күзембаев атындағы шахтада болған жарылыстан екі шахтер қаза тапқан болатын. Соңғы төрт жыл іщінде Қарағанды шахталарында үш мәрте апат болып, көптеген кеншінің өмірін алып кеткен еді. Ресейде өткен ат жарысында бірінші және үшінші орынды жеңіп алған Адай тұлпарлары енді Кендірліде өтетін сайысқа дайындалып жатыр деп хабарлайды Маңғыстаудан тілшілеріміз.  .